Onsdag 6.desember vert det liv i Vassenden Kyrkje!

Ytre Suløens Jass-ensemble tek for fyrste gong Jølster med i sin juleturné, og i kyrkja på Vassenden vert det varme og sprudlande energi!

Ytre Suløen har spelt verda rundt sidan 1973, og held framleis koken. No er det mange år sidan dei har vore i Jølster, så det var på tide å kome attende.

Bandet består av bl.a. Einar Aarø som var med å starte bandet i 1973, David Gald som vart med i 1992, og nyare musikarar som vart med fra 2011 og utover.

Sist men ikkje minst har bandet med seg sjølvaste Tricia Boutté frå New Orleans, som har bosatt seg i Langevåg.

Når tre generasjonar med Suløen, og ein ekte New Orleans-musikar speler opp med gospel og trad.jazz, gjeld det å vere på plass i kyrkja! Det vert julemusikk, og gospel frå bandets ferskaste plate. Som Tricia pleier å seie: "Get some lovely in your earholes!"

Bandet består av:

Einar Aarø - Banjo

Sturla Hauge Nilsen - Trompet

Lars Frank - Klarinett/Saxofon

Andreas Rotevatn - Trombone

Askjell Molvær - Piano

David Gald - Tuba

Kristoffer Tokle - Trommer

Og sist men ikkje minst, Tricia Boutté på vokal!